გამომცემლობა "საქართველოს მაცნე"
მასწავლებლის წიგნის სტრუქტურა მოიცავს V კლასის ბუნებისმეტყველების სტანდარტს და სახელმძღვანელოს შესაბამისობას სტანდარტთან.
მეთოდური სახელმძღვანელო მასწავლებლებს სთავაზობს I თავის ყველა გაკვეთილისა და მომდევნო თავების თითო გაკვეთილის სავარაუდო სცენარს (თემა, მიზანი, უნარ-ჩვევები, რომლის განვითარებასაც გაკვეთილი გულისხმობს, რესურსები, დავალების პასუხები, აქტივობები მიმდინარეობით, სავარაუდო კითხვა-პასუხებითა და დროის მითითებით) თითოეული გაკვეთილის დაგეგმვისას გათვალისწინებულია თანამედროვე მიდგომები. შემოთავაზებული გაკვეთილების უმეტესობა სამფაზიანია. თუმცა, მასწავლებელს შეუძლია დაგეგმოს გაკვეთილი შეხედულებისა და გამოცდილების შესაბამისად. შეფასების, ურთიერთშეფასებისა და თვითშეფასების რუბრიკები დალაგებულია აქტივობების მიხედვით და წარმოდგენილია შესავალ ნაწილში. ასევე, ყოველი გაკვეთილის ბოლოს დაწვრილებითაა ჩაშლილი შეფასების საგანი და კრიტერიუმები.
მეთოდურში ნახავთ:
- პრაქტიკულ სამუშაოს, ექსპერიმენტს, ცდას, რომლებსაც ახლავს მიზანი/ რესურსი/ მიმდინარეობა/ ვარაუდი/ დაკვირვება/ მონაცემთა ანალიზი/ დასკვნა.
- დამხმარე სქემებსა და სურათებს;
- დამატებით ინფორმაციას;
- წყვილებში და ჯგუფში მუშაობის ნიმუშებსა და მსვლელობას;
- შემაჯამებელი სამუშაოების ნიმუშებს პასუხებითა და შეფასების რუბრიკებით;
- საშინაო დავალების ნიმუშებს.
მეთოდურის შესავალ ნაწილში მოკლედ და შესაბამის თემასთან ვრცლად მოცემულია:
- მაპროვოცირებელი აქტივობები;
- ელექტრონული რესურსები: 1) ვიდეორგოლები ბმულისა და შინაარსის მითითებით; 2) PowerPoint-ის პროგრამაში შექმნილი ელექტრონული რესურსები აღწერით.
პატივისცემით ავტორები!